Fröken Litkaber
Aya Nakamura og Rouge28 Theatre (Japan/Bretland)

Fröken Litkaber er smágerður kabarett leikinn af gullfallegri búkbrúðu fyrir augum takmarkaðs fjölda heiðursgesta í hvert sinn. Sjáið hana hrífa áhorfendur með sér inn í munúðarfullan glæsiheim korseletta, fjaðra, flauels og satínsilkis. Þessi sýning er ekki við hæfi barna.

​Fröken Litkaber er að öllum líkindum minnsti búrleskudansari heims og hún hreyfir sig af kynþokka, syngur af þokka og leikur af fágun - og skilur áhorfendur ýmist eftir í losti eða skellihlægjandi þegar þessari ógleymanlegu upplifun lýkur. Komdu inn og láttu hana skemmta þér… x x x

Aya er japönsk leikhúskona, brúðuleikari og brúðusmiður með aðsetur í London. Hún hefur skapað margar sýningar með hinu margverðlaunaða Rouge28 Theatre, en aðaláhersla þess leikhúss er brúðulist fyrir fullorðna. Saman hafa Aya og Rouge28 Theatre sýnt verk sín um Bretland, Evrópu og Asíu. Árið 2019 var þeim boðið með nýjustu sýninguna sína Kwaidan á hina rómuðu brúðulistahátíð  Le Festival Mondial des Théâtres de Marionnettes í  Charleville-Mézières, Frakklandi.

www.ayanakamura.com / www.rouge28theatre.co.uk


Creator: Aya Nakamura.
Host: Mohsen Nouri.
Director: Paul Piris.
Technical advisers: Mohsen Nouri and Rachael Ayres.
Lighting Designer: Nao Nagai.
Photo: Monika Kita.